رموش الست من مطبخى بالصور

السلام عليكم ورحمة الله
نبدأ بالمقادير
نصف كوب دقيق سيمولينا(دقيق السميد)
نصف كوب جوز هند(اختيارى)
كوب الا ربع سكر
كوب ونصف زبدة بدرجة حرارة الغرفة
3 ونصف كوب دقيق
كيس فانيليا
ملعقة صغيرة بيكنج بودر
2 بيضة
مقادير السيرب
كوب مياه على كوب سكر وربع ليمونة
الطريقة
هنضرب الزبدة مع السكر


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ولما تنعم هنحط عليها بيضة بيضة بالتدريج ونضربها


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وده شكل البيض والسكر والزبدة لما اتضربو مع بعض


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


بعد كده هنضيف عليهم الدقيق العادى ودقيق السيمولينا والبيكنج بودر


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ونضربهم تانى مع بعض وده شكلهم لما اتضربو


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


بعد كده ندخل العجينة التلاجة لمدة ساعتين ولما نطلعها نعجنها بايدينا
وده شكلها بعد ماخرجتها من التلاجة وعجنتها


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


خلى بالك قبل ماتشكليهم وتحطيهم فى صينية خدى جزء صغير من
العجينة وشكليه وحطيه فى صينية واخبزيه عشان تجربى قبل ماتحطى كل العجينة
وتشكليها
لو فرش منك اوى فى الفرن ولقيتى انك مش قادرة تمسكيه زودى للعجينة دقيق لأن كل نوع زبدة غير التانى وكل دقيق غير التانى
انا عملت كده وزودت دقيق
وبعد كده شكلتهم وحطتهم فى صينية وحطيت عليهم زبيب وممكن تحطى مكسرات او اللى انتى عايزاه
كورى كورة صغير عشان هتكبر فى الفرن


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


اخبزيهم على حرارة 180 وهياخدو حوالى 20 دقيقة
اطفى عليهم لما الوش يحمر
انا خبزتهم فى فرن الكهربا
ولما يطلعو حطى عليهم سيرب او ممكن تغطسيهم فى السيرب وبعد كده تطلعيهم ترصيهم فى طبق التقديم(انا عملت كده)
وبعدها حطيهم فى التلاجة قبل ماتاكليهم هيدو نتيجة احلى فى الطعم وفى التماسك
وبالهنا والشفا ياقمرات


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

تسلم ايدك ياقمر

ماشاء الله
تسلم ايدك ياقمر