ربنا اكيد شايلك الاحسن (تجربتى الشخصية)

السلام عليكم ورحمته الله وبركاته
اللهم وفقنى فى طرح هذا الموضوع واجعله خالصا لوجهك الكريم
انا هرجع بالذاكرة معاكم لزمان شوية وهوصل معكم لغاية وقتى هذا
اولا عشان تعرفوا فضل ربنا عليه وعشان يمكن واحده فيكم تستفيد
اسفة على المقدمة الطويلة
نبدأ على بركة الله
وانا طفلة صغيرة كنت رفيعة جدااااااااااا لدرجة ان ده كان موحش شكلى جداااااااا جدااااااااا
وسبحان الله كان ليه اختى جميلة جداااااااا والله جمال فوق الوصف وطبعا الناس كان بتقارن بينى وبينها فى الاول ولانى حساسة كنت بزعل
لكن ماما وبابا كانوا محتوينى واختى ولله الحمد انا وهى علاقتنا ممتازة وبنحب بعض فبقيت ميهمينيش كلام الناس ابدا
بالعكس كان قريبى بيغيروا منها جدا لانها احلى واحدة فى العيلة فلو واحدة جت تقولى انتى احلى منها او تحاول تعيب فيها كنت ممكن اكلهم بسنانى وقول لهم هى احلى منى بكتير
والحمد لله كبرنا على حب بعض
وهى كمان مكنتش نرضى ان حد يجيب سيرتى وكانت تقول لهم انى تقاطيعى مسمسمة عنها
المهم كبرت وبلغت وحلو جدااااااااااااا هههههههههه خراط البنات خرطنى بقى
وبقى اللى يشوفنى يقول عليا قمورة جدا ولكنى تجربة الوحاشة ديه خلتينى ماصبش بالغرور ابدا
رغم الحمد لله كل اللى حوليه بيقولولى انتى زى القمر وده فضل ربنا
المهم انى برده بشر فمرضتش ادخل ثانوى عام عشان المقارنات فى المستوى الدراسى لان برده اختى كانت اشطر منى بكتير وانا مكنش فى دماغى
وصممت انى ادخل صنايع ومنها ادخل الكلية ورغم انى والدى ووالدتى تعليم جامعى لكنهم سابونى براحتى
ودخلت صنايع وتحولت بقيت بحب المذاكرة لانه اختيارى وبقيت شاطرة جداااااااا وبقيت معروفى
ورغم ده مجموعى مدخلنيش تربية ودخلت معهد فنى صناعى
وبقيت عمالة ابكى ومش متخيلة انى افشل الفشل ده
ودخلت فعلا المعهد ومكنتش بذاكر اول سنة غير قبل الامتحان
وفوجئت انى طالعة الثالثة على الشعبة فقررت انى اذاكر تانى سنة
واجتهد جدا لغاية مكانت معظم تقديراتى امتياز
ودخلت هندسة وطبعا هى احسن من التربية واتاكدت لتانى مرة انى ربنا كان شيلى الاحسن
واتخرجت واشتركت فى جمعية رسالة للاعمال الخيرية
وكنت باخد الخدمة العامة فى مركز اعاقات وكنت نفسى اشتغل فيه جداااا
لانى بحب العمل الخيرى وبعد مكنت متاكده انى هشتغل فيه المدير رفض
وبكيت ودعيت الدعاء الجميل ذو الاسر العجيب
اللهم اجرنى فى مصيبتى واخلف لى خيرا منها
وفى نفس الشهر اشتغلت فى جمعية رسالة ولثالث مرة اتاكد انى ربى شايلى الاحسن
وطبعا اى بنت بيكون نفسها تتجوز
بس كنت بحاول اشيل الموضوع ده من دماغى لانه طبعا نصيب ومكتوب
وكنت مرة قبلت واحدة فى رحلة ايتام وكانت متدينة
وقاعدت تقولى ان كل متقربى من ربنا هتاخدى زوج على نفس الدرجة
ويمكن دلوقتى انتى مش قريبة وربنا شايلك الاحسن
وفعلا ربنا كان شيلى الاحسن وتزوجت زوجى وانجبت منه وده كتبته فى موضوع كيف تصتادين عريسا

تسلم ايدك ع الموضوع ياقمر

والله في ناس كتير محتاجة تقرا الموضوع ده جزاكى الله خيرا

سبحان الله
ربنا يباركلك فى حياتك ياقمر

ربنا قادر على كل شىء
ادعولى ان ربنا يفتحها عليا

جزاكم الله خيرا على المرور
وربنا يحقق لكم كل ما تتمنوا