كيف تتعاملين مع خطيبك ( تجربتى الشخصية)

بسم الله والصلاة والسلام على رسول الله اما بعد
قبل الكلام ازيكم يا مؤمنات عاملين ايه يارب تكونوا بخير
[ندعوك للتسجيل في المنتدى أو التعريف بنفسك لمعاينة هذا الرابط]

انا
كاتبة الموضوع ده عشان اللى مخطوبة واللى هتتخطب وعشان البنات اللى كل
شويه يقولوا خطيبى ضربنى وخطيبى هزئنى عشان خرجت رغم انى كنت واخده اذنه
وتخديه ليه اصلاامال هيعمل ايه بعد الجواز
انا هحكى عن تجربتى الشخصية
انا اتخطبت لانسان محترم ومتدين الى
حد ما وطبعا كان جواز تقليدى يعنى مكنتش اعرفه بس صليت استخارة وارتحت
وكانت ظروفة لسه صعبة لانه هيجهز نفسه بعنى مكنش معاه غير تمن الشبكة بس
وكان قرب يسافر
فانا وفقت عليه عملا بالحديث
قال رسول الله صلى الله عليه وسلم
(اذا جائكم من تردون دينه وخلقه فزوجه الا ان تكون فتنه بينكم)
صدق رسول الله صلى الله عليه وسلم
بس الشهادة لله انه قالى ان الشبكة قليلة وانا استهال اكتر منها[ندعوك للتسجيل في المنتدى أو التعريف بنفسك لمعاينة هذا الرابط]
بس المهم نيجى فى معاملتنا لبعض وده اللى انا عامله الموضوع علشانه
اولا هو كان بيجى مرة واحده فى الاسبوع من بعد العصر ويمشى قبل المغرب عشان الصلوات فى الجامع
يعنى كان بيقعد حوالى ساعة ونص كان الاول اهلى
يقعدوا شوية معانا واوقات يتركونا نص ساعة مثلا بس بيكونوا حاولينا يعنى
شايفينا وده طبعا عشان الخلوة
يعنى بلاش كل يوم تتقبلوا هتزهقوا من بعض وبلاش خلوة عشان حرااام ومتجيش تعيطى عشان سيبتوا بعض اصل ربنا مش هيبارك
ثانيا مكنش فيه ابدا كلام حب بينا لانه حرااااااااااااااام طبعا
ومكنش بيسلم عليا بالايد لانه برده
حراااااااااااااااااام يعنى مفيش لمسات نهائى حتى الشبكة اخته لبستهالى
وكان كل الناس معترضة اهلى واهله واخدونا تريقة بس صممنا على موقفنا وكان
الفرح اسلامى بمعنى الرجالة فى الدور الارضى والستات فى الاول وكنت محجبة ومحطيتش مكياج بناءا على رغبته وماما زعلت جدا[ندعوك للتسجيل في المنتدى أو التعريف بنفسك لمعاينة هذا الرابط]
وكنا مشغلين اغانى اسلامية
ومرحتش الكوافير بس اجرت فستان وقريبى عملولى الطرحة اسبنش بس رحت قبلها عملت ماسكات لبشرتى

يعنى اعملى الحلال وابعدى عن الحرام لان لا طاعة لمخلوق فى معصية الخالق

المهم كان بيتصل بيا على الارضى
ونعقد نحكى فيه ايه فى الكورة رغم بكرها اه والله وانا احكى على الشغل وهو
يحكى على الشغل من غير كلام فى الحب عشان طبعا حررررررررررررررام ومع ذلك
خدنا على بعض وكله بالاحترام
وانا مكنتش اتصل الا قليل جدا على موبيله وبيكون
عشان حاجة مهمه ممكن نرن على بعض ونبعت رسايل لبعض مش اسهال مكالمات
ياجماعة اتقلى شوية
لا وايه لو مرنش عليا معبروش لازم اعمل لنفسى قيمه
يعنى اتقلى وبلاش اسهال المكالمات ولو بعد ابعدى ولو تقل اتقلى وريه انك مش مرميه عليه
واهم حاجة بقى انى مكنتش اخذ الاذن منه اخرج برحتى
ولو فيه رحلة انا مطلعاها مثلا بقول من باب العلم بالشئ يعنى فى وسط الكلام
مش انا رايحة بكرة كذا[ندعوك للتسجيل في المنتدى أو التعريف بنفسك لمعاينة هذا الرابط]امال مانا فى بيت ابويا يبقى اخد الاذن منه مش خطيبى اللى يتحكم فيه امال فى بيته هيعمل ايه
وده قصدى بيه متديهوش فرصه يتحكم فيك
طب اضحكم كنت مرة فى مستشفى الاطفال للسرطان مهو تبع
شغلى منا كنت شغاله فى جمعية رسالة المهم وجت ياعنى بنت كانت عايزة نقل دم
او صفايح دموية حاجة زى كده وكان فيه اجرائات رخمة فتاخرت لبعد المغرب
وكنت صايمة والادهى انه كان فيه ميعاد بينى انا وهو عشان نخرج مع بعض وطبعا
اخويا معايا
فرحنا البيت انا وخطيبى فى نفس الوقت ولاقيه على الباب اول ما شفنى قالى امال لو كنت دكتورة كنتى جيتى امتى سكنت اصل كنا قدام الباب[ندعوك للتسجيل في المنتدى أو التعريف بنفسك لمعاينة هذا الرابط] ولما دخلنا البيت بيكررها قولتلوا ده انا احسن من الدكتورة مليون مرة
اسفة لكل الدكاترة بس ده من الغيظ اسكتله يعنى
المهم شرحتله الموقف والراجل تفهم وجه بابا وماما يهزؤنى بقى قعد يدافع عنى ويفهم وجه نظرى [ندعوك للتسجيل في المنتدى أو التعريف بنفسك لمعاينة هذا الرابط]
وقالى روحى افطرى
وده قصدى بيه متديهوش فرصة يهزائك ويقلل من كرامتك عشان ميخدش على كده
والحاجة
الاخيرة بقى انى مكنتش بخلى مشاكل تحصل بين خطيبى واهلى ازاى يعنى مثلا
اشوف اهلى رائيهم ايه فى موضوع معين واتبنى رائيهم واكنه رائى انا وبجده
خطيبى ميزعلش منهم
واشوفه هو
عايز ايه واتبنى رائيه عشان ميزعلوش منه يعنى اقرب وجهات النظر من غير مكل
الاطراف يزعلوا عشان طبعا هو هينسى زعله منك مع الحب والعشرة لكن عمره
مهينسى زعله من اهلك ونفس الحكاية اهلك مش هينسوله حاجة لكن هينسوا لبنتهم
[size=29]وقصدى من الحكاية دية خليك عاقلة وشوفى انتى بتوصلهم ازاى كلام بعض وحولى تحلى المشاكل بدون مواجه الطرفين
وفى اخر حاجة لو عجبكوا موضوعى قيمونى يمكن فى بنات تستفاد
واللى عايزة تسئل فى اى حاجة انا فى الخدمة

[/size]

تسلم ايدك ع الموضوع ياقمر

عدد المساهمات : 2128 تاريخ التسجيل : 29/08/2010

كلام جميل اوى ياقمر
وهنفذه ان اتخطبت ان شاء الله

عدد المساهمات : 2394 تاريخ التسجيل : 05/09/2010

شكرا ليكى ياقمر

ربنا يكرمك
أنا بجد كنت بتغاظ لما ألاقي واحدة قبل ماتخرج تاخد إذن خطيبها
بإذن الله نعمل بالنصايح