بنفسج
عدد المساهمات : 17 تاريخ التسجيل : 20/03/2011 العمر : 29
| موضوع: ماسك هايل جداً لتفتيح ونعومة بشرة الوجه والجسم الأحد مارس 20, 2011 6:31 pm | |
| ماسك هايل جداً لتفتيح ونعومة بشرة الوجه والجسم
يعني ممكن نستخدمه لتفتيح أي منطقة في الجسم لأنه آمن جداً جداً ومع المواظبة عليه بيدي للبشرة لون حلو أوي…
ومكونات الماسك :
ملعقة كبيرة حبة البركة مطحونة
كوب ماء 2 ملعقة كبيرة أرز مصري مطحون
طريقة التحضير:
كل اللي عليكي إنك تسخنّي المية على النار وتسيبيها لغاية ما تغلي، وبعد كده بتضيفي الأرز المطحون وتفضلي تقلّبي لغاية ما يبقى الخليط شبه المهلبية، وبعد كده بتضيفي حبة البركة، وتقلبيهم كلهم مع بعض لغاية ما تلاقي الخليط بقى لونه رمادي، وراعي إن الخليط ما يبقاش معجّن ومش جامد أوي.
وبنعمل الماسك ده على بشرة نظيفة جداً، ومغسولة بمية سخنة علشان تفتّح المسام، والبشرة تقدر تتشرب مكونات الماسك، وبعد كده بنبدأ نوزع الماسك على بشرتنا من تحت لفوق في اتجاه فتح المسام، وبنسيب الماسك على البشرة لمدة ساعة، وبعد كده نغسل وشنا كويس وننشفه بطريقة التربيت. الماسك ده من الماسكات اللي لازم نعملها يوم بيوم لأنه لازم يتحط على البشرة وهو سخن ويتحطّ على بشرة نظيفة تماماً، وتكون متعرّضة لكمية كبيرة من البخار. وبنكرر الماسك ده يومياً لمدة 3 شهور، وفي النهاية هنحصل على بشرة فاتحة وناعمة وفيها نضارة وكمان الزيوت اللي في حبة البركة بتساعد على علاج التجاعيد الصغيرة اللي بتظهر حول منطقة العيون، وكمان بيستخدم لتفتيح المناطق الحسّاسة في الجسم.
وطبعاً ناس كتير هتقول لي إحنا معندناش وقت نعمل الماسك ده كل يوم، بس بجد لما تجربوه بنفسكم وتلاقوا نتيجة كويسة هتتشجعي إنك تعمليه يومياً، وعلشان تسهلي على نفسك ممكن تخلّي عندك كمية كبيرة من الأرز المطحون وتحطّيها في علبة، وكمية من حبة البركة المطحونة في علبة تانية، علشان تسهلي على نفسك أثناء تحضير الماسك.
وميزة الماسك ده كمان إنك ممكن تعمليه في أي وقت من اليوم يعني بالليل أو الصبح براحتك، يعني إنتي بتختاري الوقت اللي يناسبك وتكوني فاضية فيه وتعمليه.
جربوا الماسك ذا وانتم شوفوا النتيجة الهايلة بأنفسكم
لا تنسوا تقيموا الموضوع بجد ..................
وارفعوه بدعوة حلوة لاختكم في الله بحسن الخاتمة وهداية ذريتي يا رب يا رب
| |
|
mo2mna
عدد المساهمات : 1840 تاريخ التسجيل : 19/06/2010 الموقع : mo2mna.yoo7.com
| موضوع: رد: ماسك هايل جداً لتفتيح ونعومة بشرة الوجه والجسم الإثنين مارس 21, 2011 3:42 am | |
| تسلم ايدك ع الموضوع ياقمر | |
|
ماجى تورز
عدد المساهمات : 2394 تاريخ التسجيل : 05/09/2010
| موضوع: رد: ماسك هايل جداً لتفتيح ونعومة بشرة الوجه والجسم الإثنين مارس 21, 2011 3:46 am | |
| | |
|
الشيف مونى
عدد المساهمات : 2128 تاريخ التسجيل : 29/08/2010
| موضوع: رد: ماسك هايل جداً لتفتيح ونعومة بشرة الوجه والجسم الإثنين مارس 21, 2011 3:58 am | |
| | |
|