ام البطل الصغير
عدد المساهمات : 390 تاريخ التسجيل : 24/03/2011 العمر : 43
| موضوع: احذروا يا امهات من اللى حصل لابنى الخميس مارس 22, 2012 8:08 am | |
| بسم الله والصلاة والسلام على اشرف خلق الله اما بعد حبيت احكيلكم على موقف حصل لابنى من حوالى شهرين انا كنت لسه والده بنتى وابنى عنده حوالى سنتين و8 شهور المهم انه متعود يروح الحمام يعمل ببيى لوحده وانا ولده قيصرى وتعبانه وكنت برضع البنت المهم الولد راح يعمل ببيى وسمعت رزعة جامدة وفضل يصرخ جامد انا جريت اشوف فيه ايه اتارى الولد قفل على نفسه الحمام بالمفتاح من جوة وهو اصلا بيخاف من خياله قعدت احاول اخليه يفتح معرفش حاولت انا معاه منفعش اتصلت بجوزى وكان بفضل الله ساعة صلاة المغرب احنا هنا فى غربة ولازم يقفلوا ساعة الصلاة وعلى مجوزى جه قعدت اكلم ابنى من ورى الباب واديله شوكلاته عشان يسكت واشغله وكل شويه يقولى افتحى بقى ياماما وجوزى جه وحاول ومعرفش يفتح برده واتصل براجل بيصلح الحاجات فى الشغل وبفضل الله رد من اول مره الراجل ده اصلا بيغلب اى حد على ميرد بس فضل الله وجه وكسر الباب والولد بقى على صرخة واحدة وانا كنت ببكى جوه الاوضة ابنى قعد محبوس حوالى تلت او نصف ساعة ولغاية دلوقتى فاكر وعنده فوبيا لو حد قفل الباب عليه فخدى بالك واوعى تسيبى مفتاح فى اى باب ممكن تعلقى المفتاح بعيد عن ايد والدك
وفى كمان تحذير عيازة اقوله
متنيمش طفلك البيبى جنب على السرير لانك من كتر التعب ممكن تتقلبى وتنامى عليه وديه حصلت مع واحدة كانت تخينة جدا ونامت على البنت والبنت ماتت يا حبيبتى انا بحط بنتى فى حاجة زى سرير صغير على كراسى جنب السرير وربنا يحفظ اولادنا | |
|