موضوع: المفتقة الأصلية من مطبخى بالصور الخميس يناير 12, 2012 4:49 am
السلام عليكم ورحمة الله وبركاته انا كنت عملت موضوع من فترة كنت نزلت فيه طريقة المفتقة الاصلية بس كان من غير صور اللى هو ده http://elshefmony.mam9.com/t6-topic النهرده ان شاء الله هنزل كل الصور بالتفصيل اللى هتوضحلكم اى غموض وعلى فكرة انا جبت كل المكونات من عند العطار ولقيت عنده نفس الطريقة اللى بعمل بيها هى عموما منتشرة جدا عندنا فى مدينة الاسماعيلية
دى الكتيرة الضانى بعد مانقعناها فى فنجان ميه سخنة لمدة 6 ساعات وسموها كتيرة لانها بتكتر وبتنفش فى الميه وضانى عشان لما بتنفش بتبقى عاملة زى اللية الضانى وهى اللى بتدى قوام للمفتقة وعلى فكرة هى كمان علاج للمعدة
لما قدحنا الحبة الخضرا المطحونة صفيناها وحطيناها على جنب ولما هنقدح لبان القدحة والمسيحات هنصفيه ونحط الزيت فى الحلة اللى هنعمل فيها المفتقة هنا وانا بحمر التحويجة فى الزيت اللى صفيت منه المسيحات
بعد تلت ساعة والعسل بيغلى اخد شوية فى كوباية ان لقيته عمل قشرة ومسكته لقيته ملصق فى بعضه يبقى كده المفتقة اتعقدت واقدر ساعتها اضيفلها السمسم وطبعا لسه مشغلة النار مش هطفيها دلوقتى ده وانا بضيف السمسم بعد مالمفتقه اتعقدت
سبتها تهدا وتبرد بعد كده حطتها فى برطمانات وسبت مسافة من فوق عشان احط جوز الهند وبندق مطحون او طبعا اى مكسرات انتى حباها هنا حطيت شوية فى علبة وحطيت عليهم المكسرات