المفتقة الأصلية من مطبخى بالصور

السلام عليكم ورحمة الله وبركاته
انا كنت عملت موضوع من فترة كنت نزلت فيه طريقة المفتقة الاصلية بس كان من غير صور
اللى هو ده
http://elshefmony.mam9.com/t6-topic
النهرده ان شاء الله هنزل كل الصور بالتفصيل اللى هتوضحلكم اى غموض
وعلى فكرة انا جبت كل المكونات من عند العطار ولقيت عنده نفس الطريقة اللى بعمل بيها
هى عموما منتشرة جدا عندنا فى مدينة الاسماعيلية

دى صورة التحويجة وعلى فكرة التحويجة دى هى المغات


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ودى صورة الكتيرة الضانى وهوضحلكم بعد كده ليه سموها كده


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


دى صورة الحبة الخضراء وهى اللى بتدى اللون الاخضر الطبيعى للمفتقة


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


دى صورة المسيحات ولبان القدحة


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


دى الحبة الخضراء بعد ماحمصناها وطحناها


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


دى الكتيرة الضانى بعد مانقعناها فى فنجان ميه سخنة لمدة 6
ساعات وسموها كتيرة لانها بتكتر وبتنفش فى الميه وضانى عشان لما بتنفش
بتبقى عاملة زى اللية الضانى وهى اللى بتدى قوام للمفتقة وعلى فكرة هى كمان
علاج للمعدة


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


هنا واحنا بنقدح الحبة الخضراء فى الزيت وطبعا بعد كده هنصفيها


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


هنا واحنا بنقدح المسيحان فى الزيت وبردو هنصفيها


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


لما قدحنا الحبة الخضرا المطحونة صفيناها وحطيناها على جنب
ولما هنقدح لبان القدحة والمسيحات هنصفيه ونحط الزيت فى الحلة اللى هنعمل
فيها المفتقة
هنا وانا بحمر التحويجة فى الزيت اللى صفيت منه المسيحات


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ولما اتحمرت شوية حطيت عليها كمية العسل اللى عندى


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


فضلت اقلبهم مع بعض على النار لغاية ماكل كلاكيع التحويجة اختفت وبعد كده حطيت عليهم حبة البركة المطحونة


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


قلبتهم مع بعض وبعدها حطيت عليهم نص كوباية الزيت اللى قدحنا فيها الحبة الخضرا وصفيناه


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وقلبتهم طبعا وبعد كده حطيت عليهم الكتيرة الضانى المنقوعة
ولازم افضل اقلب لغاية ماأتأكد ان الكتيرة كلها دابت فى العسل ومفيش كلاكيع


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


كده احنا خلصنا الاساسيات هعصر على العسل ليمونة واسيبه يغلى على نار هادية من تلت لنصف ساعة وطبعا مش هغطى الحلة
ده والعسل بيغلى


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


بعد تلت ساعة والعسل بيغلى اخد شوية فى كوباية ان لقيته عمل
قشرة ومسكته لقيته ملصق فى بعضه يبقى كده المفتقة اتعقدت واقدر ساعتها
اضيفلها السمسم وطبعا لسه مشغلة النار مش هطفيها دلوقتى
ده وانا بضيف السمسم بعد مالمفتقه اتعقدت


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


هقلب السمسم فى المفتقة وهى ع النار


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وهنا بعد ماطفيت النار


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


سبتها تهدا وتبرد
بعد كده حطتها فى برطمانات وسبت مسافة من فوق عشان احط جوز الهند وبندق مطحون او طبعا اى مكسرات انتى حباها
هنا حطيت شوية فى علبة وحطيت عليهم المكسرات


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


انا تعبت فى الموضوع جدا
يارب يكون عجبكم
لاتنسونى فى الدعاء

ماشاء الله
تسلم ايدك ياقمر