محشى كرنب من مطبخى بالصور

السلام عليكم ورحمة الله وبركاته
النهرده جيبالكم طريقة بسيطة جدا لمحشى الكرنب للمبتدئات والعرايس وكل اللى مش بتعرف تعمله
المكونات
طبعا كرنبه
مقادير الخلطه
كيلو طماطم
بصلتين متوسطين
حزمتين كسبرة خضرا وحزمتين بقدونس
7 كوبايات رز
توابل للخلطة /فلفل-ملح-رشة شطة-بهارات-قرفة-كمون-كسبرة ناشفة
طريقة الخلطة
نغسل الرز كويس
نحط البصل والطماطم ع النار شوية وبعدها البقدونس
نطفى النار ونضيفلهم الرز ونقلب ويعدها نحط التوابل ونقلب
نيجى بقى للكرنبه
هتشيلى ورقة ورقة من الكرنبة وتحطيهم على الترابيزة
وقبلها تكونى مجهزة حلة كبيرة فيها ميه ومعلقتين كمون وفصين توم دى اللى هنسلق فيها ورق الكرنب



تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


نغطيها ونسيبها تغلى ولما تغلى نحط فيها كل ورقة لوحدها لمدة نص دقيقة او اقل عشان متتقطعش منك فى اللف


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ونشيلها ونحط اللى بعدها وهكذا لغاية مايخلصو
انا عنت الورق فى بولا فى التلاجه عشان مش هحشيه فى نفس اليوم
نيجى بقى للتقطيع
هتجيبى الورقة وتفرديها على طبق وتقطعى العرق التخين اللى فى النص


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


بعد كده هتلفى الورقة على شكل اسطوانة


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وهتقطعى الاسطوانة دى
طبعا الكلام ده هتطبقيه على كل الورق


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


هتجيبى اى جزء من اللى انتى قطعتيه من الاسطوانة


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


هتفرديها هتطلعلك ورقة طويلة


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


هتقطعيها عشان تاخدى كل ورقة من اللى قطعتيها وتبدأى تحشيها


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


هتجيبى الورقة وتفرديها على الطبق اللى هتحشى عليه ولازم وانتى بتحشى عروق الورقة تكون بالعرض زى كده


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


تجيبى كمية الخلطة اللى انتى حباها وتحطيها على طرف الورقة
فيه ناس بتحب تحط كتير وناس لاء


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


تمسكى الخلطة بالورقة وتضغطى عليهم وتلفى عشان يبقى الصوبع متماسك


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وتكملى لف


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وتحطى الصوابع فى الحلة بشكل دائرى او بالشكل اللى يريحك
انا كنت فارشة الحلة ورق الكرنب الاخضر اللى بيبقى على الوش بس الخطوة دى
على حسبك انتى يعنى ممكن نستغنى عنها


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وهكذا لغاية ماتخلصى الحلة بس سيبى فيها مسافة عشان الشوربة وعلى فكرة غالبا الكرنبة بتعمل حلتين واحدة متوسطة وواحدة صغيرة
نيجى بقى للسواء هتسخى الشوربة اللى هتسقى بيها الكرنب
وهتحطى الحلة ع النار وتحطى على الوش معلقة زبدة وتغطى الحلة لمدة 10 دقايق
وبعدها تحطى الشوربة بعد ماتكون غليت تحطى لغاية ماالشوربة تبقى فوق
الكرنب
وبعدها تحطى طبق على وش الكرنب يكون قد الحلة
الخطوة دى مهمة عشان الطبق بيكبس الشوربة مع البخار وتخلى الكرنب يستوى كويس


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وتسيبيه على نار هادية لمدة ساعة ونص ممكن اقل او اكتر انتى لازم كل شوية تكشفى عليه وتحطى الشوكة فى واحدة وتشوفيه استوى ولا لاء
وبالهنا والشفا


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

الله الله
الطريقة جنان و سهلة منك

بس يخرب مني لما احشيه ويتفك

بس طريقتك جميلة يا قلبي

و ح اجربها قررريب ي عسسل

الف الف ششكر حبيبتي علي الابداع
وتسلم ايديكي

تسلم ايدك ع الموضوع ياقمر

تسلمو ياقمرات
نورتو موضوعى