نصائح جدتى ليلة الدخلة

كل العرائس الا على وش جواز وفرحهم قرب تعالى مقولك جدتى الله يرحمها قالتلى أعمل أيه ليله دخلتى عشان جوزى يبقى خاتم فى صوباعى قالتى خليه يئلعك الجزمه والشراب ويفتحلك سوسته الفستان ويفكيلك الطرحه والدبابيس دبوس دبوس ويحضرلك العشا وتطلبى منه كوبيه مياه وتفضلى تطلبى اى حاجه تيجى على بالك بقولها ليه كل ده مش المفروض انى ادلعه وانا الا اعمله كل الحاجات دى قالتلى لا هو الا يعملك قولتلها ليه قالتلى عشان يفضل طول عمره يسمع كلامك لان فى اليوم ده بيبقى هو الا هيتجنن عليكى ولو عودتيه انه يسمع كلامك من اول يوم هيفضل كده طول عمره وكمان خليكى تقيله اوى وكل لما يجى يقرب لكى متستجبيش ليه على طول دوخيه شويه بس مش كتير عشان ميزهئش منك قوليله تعالى نتفرج على الشقه واقعدى احكى معاه على الفرح والا حصل فيه وكمان تحولى تاكلوا ولو حاجه خفيفه قوليله قطعلى تفاحه وخليه يطعمك فى بؤك المهم على ما تقدرى اهبليه وطبعا بضحك وبرقه وبدلع حولى على قد متقدرى انك تبقى ملكه فى كل حاجه فى تصرفاتك وشيكتك لازم تتأكدى ان رائحه فمك روعه ومتكتريش فى البرفان والمكياج ولازم تصلوا ركعتين شكر لله وياريت تحولى تقومى من النوم قبل جوزك تاخدى دوش وتلبسى حاجه حلوه وتحضرى لجوزك احلى فطار فى الدنيا يعنى تدلعيه وكمان تسيبيه يصحى لوحده وتحضرله الحمام عوزاكى تحسيسيه انه كل اهتمامك فى العالم وتكونى سره واوعى تحكى لحد على اى حاجه حصلت اليله دى عشان حرام ويوم الصباحيه انت الا تدخلى على الضيوف متخليش حد يدخل عليكى وتخرجى لضيوف بعبايه شيك او فستان اوعى تخرجى بروب او قميص نوم وكمان ابقى خلى مامتك او اختك تكلمك قبل ميجوا فى الصباحيه عشان تعملى حسابك وتجهزى نفسك وتجهزى اى حاجه موجوده تقدميها لضيوف على السريع وتخلى جوزك هو الا يفتح باب الشقه لاى حد يخبط وتفضلى جوه لحد ما ينادى عليكى . وكمان عودى نفسك انه لو راح لاهله واتأخر اوعى تتصل بيه عشان يجى لانه الموضوع ده بيحسس اهله انك هتاخديه منهم ولما يجى حد يزورك عشان يبركلك على الجواز لو بنات اصحابك او قريبك ياريت تعودى جوزك انه يسلم عليهم ويسيب البيت وينزل عشان ميتحرجوش ولو حد من قريبه هو لازم يفضل قاعد معاكى طول الزياره لانك متعرفهومش . وقالتلى لو حولتى تعملى نصيحتى هتبقى انت وجوزك فى احسن حال 0معلهش يا بنات طولت عليكوا بس والله انا عملت بنصيحه جدتى وحياتى مع جوزى جميله جدا وبنحب بعض اوى والناس كلها بتحسدنى عليه ويارب يرزق كل البنات الزوج الصالح . ياريت يا بنات تدعو لجدتى بالرحمه ويكون لكم جزيل الشكر

تسلم ايدك ع الموضوع ياقمر

مش كان المفروض تكتبى منقول للامانه يعنى عشان من الغلط انك تاخدى موضوع من منتدى تانى وتكون صحبته تعبانه فيه وتنسبيه لنفسك وانت بالطريقه دى بتبوظى سمعه هذا المنتدى الراقى

mo2mna كتب:: تسلم ايدك ع الموضوع ياقمر

بتشكريها على ايه يا اختى هذا الموضوع منقول من منتدى تانى وهى نسبته لنفسه للاسف

ماينفعش كدة
يعني الانترنت كله منقول x منقول وجايين تعملو قلق ..؟؟؟
ماينفع كدة لو سمحت .قولو خير او اسكتو

شكرا اختي صاحبة الموضوع
و تسلم الايادي علي النصايح
كلام مظبوط و لازم المرأة تتحكم علي كيفها و يكون لها شخصية قوية
عشان تقدر تاخد حقوقها في كل الاحوال ..و يكون لها هيبة عند زوجها
شكرا و تسلم الايادي