اكلات جميلة وتنفع اللى بيعملوا رجيم

بصوا انا طبعا نفسى اخس وبكرة الرجيم ففكرت اعمل كل الاكلات بس بتبديل بسيط وتكون طعمها جميل كمان
وهنزلكوا هنا الاكلات اللى بجربها
صحيح مش هخس بسرعة
بس هخس فى النهاية وهيبقى اكلى صحى وجميل
هه مين تشجعنى عشان انزل الاكل
واللى برده عندها اكل صحى وجميل تكتبه
هنا
متكسفونيش بقى

[size=25][b]الكبدة المشوية
8 شرائح كبدة ضأن او بقرى ( مقطعة شرائح عريضة)- بصلتان مقطعة بشكل ناعم-
ملعقة كبيرة من صلصة الطماطم - ربع كوب عصير ليمون - كمون - وبهارات وملح
وفلفل
طريقة التحضير
يغسل لحم الكبد جيدا ويخلط بالبصل المقطع مع عصير الليمون ويفرك المزيج بشرائح الكبد
توضع الكبد فى وعاء متوسط ويضاف الملح والفلفل والبهارات والكمون وزيت الزيتون وصلصة الطماطم
ثم يغطى الاناء ويترك فى التتبيل لمدة ساعتين او اكثر
تسخن الشواية الى درجة حرارة مرتفعة ثم توضع شرائح الكبد ويشوى على الجانين حتى النضج[/size][/b]

الفراخ المشوية
المقادير
نضع فى الخلاط ( بصل- طماطم - زيت زيتون- خل - ليمونة كاملة بالقشر - كاتشب
- ملح - فلفل اخضر- بهارات مشكلة- كمون جنزبيل - توابل لحمة - ورق لورا -
فلفل اسود) ولو معندكيش اى مكون شليه واللى عندها مستطردة وبابريكيا تحط بس
انا كان عندى اللى فوق بس فحتطهم
ثم نضربهم ونصفى التتبيلة ونضعها فى طبق
طرقة العمل
نقطع الفراخ ونشرحها بالسكينة الرفيعة علشان تشرب التتبيلة
ننقع الفراخ فى التتبيلة مدة لاتقل عن ساعة
نسخن مقلاة الشوى جيدا او الفرن الكهرباء نضع صينية ونحط فيها غطاء حلة او صينية اصغر حجما بالمقلوب ونرص فوقها الفراخ عشان تنزل دهونها
تبتدى تتحمر وتدخل فى السوى و نهدى عليها النار
بعد ما الفراخ تتحمر من فوق كويس نقلبها على الجنب التانى حتى تمام السوى وبعد من خرجها

ممكن نحطها فى كيس ونقفل عليها شوية عشان تكون طرية من الداخل والخارج
وبالهنا والشفا

الكبده بالبصل(سواء كبدة الفراخ او الكبدة البقرى)
المكونات
قطعى الكبدة الى مكعبات - وقطعى بصلة كبيرة - وفلفلة خضراء مقطعة - وملح - وفلفل اسود- وكمون- وجنزبيل وممكن قرفة(عشان حرق الدهون)
الطريقة
شوحى قطع الكبدة فى الحلة بدون زيت حتى يتغير لونها مع التقليب
ثم اضيفى البصل والفلفل المقعين
وعند قرب السوى اضيفى التوابل
وقليل من الزيت ( وممكن بدون) وبالهناء والشفاء

الكفتة المشوية
المكونات
لحمة مفرومة - بصل - ملح - فلفل اسود - توابل لحمة
الطريقة
افرمى البصل فرما جيدا ثم ادعكيه بالملح والفلفل والتوابل
ثم ضعيهم على اللحم المفروم
ثم بعد ذلك ضعيهم نصف ساعة فى الثلاجة
ثم بعد ذلك احضرى ملعقة وصبعى الكفتة عليها
ورصيها فى صينية او فى صاج الفرن الكهرباء بدون زيت نهائى
وحطيها فى الفرن حتى تستوى وتنشف المادة الدهنية اللى هتنزل من الكفتة
وبالهنا والشفا

الكوسة نى فى نى
اولا ناتى بالكوسة ثم نقشرها ثم نقطعها وننغسلها جيدا
ثم نقطع البصل والثوم ونضعه عليها ونضع كمون وملح وفلفل اسود و(جنزبيل وقرفة) عشان حرق الدهون
وشفشق طماطم مضروب فى الخلاط ونضعها على النار حتى تمام السوى
وبالهنا والشفا

السمك المشوى
هاتى اى نوع سمك وسيبى الاقشر بتاعة من بره متشيليهوش ونظفى جيداااااااا من جوة
ثم اعملى خلطة تتبيل السمك العادية اللى هى ثوم مفروم وملح وكمون وليمون ثم تبلى بيها السمك من الداخل
هاتى صاجة وحطيها على النار عبى العين الكبيرة وعلى عليها وحطى عليها الرده
وحطى السمك فى الرده ثم بعد متسخن الصاجة ضعى السمك عليها
وشوية ووطى النار عشان يستوى وميتحرقش وانتظرى حتى يستوى هذا الوجة وقلبيها على الوجة الاخر
وبعدين هاتى طبق فيه مياه وضعى عليها ثوم وملح وليمون وكمون وملحى الماء كويس
وبعد متستوى السمكة حطيها فى خليط الماء
ولو السمكة كبيرة سبيها شوية عشان تشرب التتبيلة ولو صغيرة شليها على طول
وبالهنا والشفا

المسقعة
اهم خطوة فى المسقعة واللى هتخليها دايت هو الباذنجان
اولا قطعية ثم رشية بالملح واتركية فترة حتى ينزل ميتة ثم اغسلية
وبعد كده هاتى صاجة وامسحيها بالزيت(وممكن صينية او فى الفرن الكهرباء)
رصى الباذنجان على الصاجة ولما يتحمر من وجة اقلبيه على الوجة الاخر
وبعد كده اعملى المسقعة زى مانتى بتحبيها وبالهنا والشفا

اى حاجة بتكون نصف سوى زى النجت مثلا حطيها فى صينية فى الفرن بدون زيت ولما تستوى قلبيها على الناحية التانية

تسلم ايدك ع الموضوع ياقمر

عدد المساهمات : 2128 تاريخ التسجيل : 29/08/2010

حلو اوى
تسلم ايدك ياقمر

عدد المساهمات : 2394 تاريخ التسجيل : 05/09/2010

اكلات جميلة ومفيدة ياقمر
تسلم ايدك
وان شاء الله بعد كده تنزليلنا اكلاتك بالصور