هقانة - قرفانة - مضايقة - مخنوقة(تجربتى فى القضاء على الزهق)

بسم الله والصلاة والسلام على رسول الله
اللهم انى اعوذ بك من اى شئ ارضت به وجهك وخالطنى فيه غيرك
انا هكتب الموضوع ده لان اكتر من اخت طلبته منى يارب ربنا يوفقنى فى طرحه وتستفادوا منه
انا الاول كنت فى كلية الهندسة بس انا اصلا كنت بميل جدا للاعمال [ندعوك للتسجيل في المنتدى أو التعريف بنفسك لمعاينة هذا الرابط]فتعملت
الاول اسرة رسالة فى هندسة واشتركنا فيها انا وصحباتى وكنا ساعتها فى سنة
تانية وكنا بنروح ملجأين تقريبا بس لان الدكتور اللى كان ماسك الاسرة كان
ملتحى فالكلية رفضت تعتدمد الاسرة
وبقينا انا وصحباتى نروح لوحدنا
وفى سنة رابعة اتعملت اسرة رسالة بس طبعا غيروا الدكتور ومكناش احنا فاضين نروح معاهم وبقينا مع نفسنا لغاية معرفنا ان هتتفتح جمعية [ندعوك للتسجيل في المنتدى أو التعريف بنفسك لمعاينة هذا الرابط]
احنا كنا خلصنا دراسة وقاعدنا فى البيت
وعرفنا مكانها وروحت الجمعية واشتركت فيها وبدأت اجمل ايام حياتى بجد
اولا عرفونى بالجمعية وانشائها ومجالاتها
وانا هقلوكم دلوقتى مجالاتها
1 - الزيارات
الخاريجية (نزور فيها الايتام - واطفال السرطان - والاطفال المرضى بالفشل
الكلوى- ونعمل رحلات للايتام والمعاقين والمكفوفين )
2- قسم
المكفوفين (نكتب فيه للمكفوفين على الكمبيوتر يعنى وانتى قاعدة فى بيتك
وبعدين نروح نطبعها بريلونسجل ليهم شرايط عليها المواد الدراسية بتاعتهم -
وممكن نصتحبيهم للامتحان)
3-قسم الاحتياجات الخاصة (كنا بنجيب ليهم مدرسين تخاطب ودكاترة علاج طبيعى وكنا كمان بنروح ليهم جمعياتهم)
4- قسم الصم
والبكم( كانوا بيعملوا ليهم نشاطات كتير ويعلموهم الرسم وما الى ذلك
ويعلموا المتطوعين لغة الاشارة عشان يعرفوا يتوصلوا معاهم)
5- قسم
المساعدات( وده كانوا بيساعدوا فيه الاسر الفقيرة وبيعطوهم كل شهر شنطة
فيها مواد غذائية وكمان كانوا بيوداهم لدكترة يكشفوا عليهم بالمجان او
بنسبة قليلة وكانت كمان الجمعية بتعطيهم العلاج وكانت بتعمل مشاريع كمان
للاسر الفقيرة وكانوا بيدوهم ملابس على الاعياد والدراسة وكمان كانوا
بيجهزوا العرايس)

6-قسم
معارض الملابس(وده قسم بيقبل التبرعات بالملابس المستعملة وينظفها وياما
بيعطيها للفقراء او يعمل معارض يبيع فيه القطع بسعر رمزى جدا للفقراء اللى
يتكسفوا ياخدوا حاجة ببلاش وطبعا الناتج كان بيروح فى اقسام الجمعية
التانية يعنى بيصرف على الجمعية)
7-قسم الاشغال اليديوية( يتم فيه صنع الاشياءاليدوية وتعليم المتطويعين وبيع هذه الاشياء ويكون برده شئ يصرف على الجمعية(
8-معارض الدعاية(وبيعرض فية منتجات قسم الاشغال وبعض اللاشياء المشتراه وكمان توزيع ورق للتعريف بالجمعية)
9-قسم دروس التقوية ومحو الامية(بيعطوا فيه الدروس للاطفال غير المقتدرين واللى عايز يتعلم وهو غير متعلم)
المهم طولت عليكم تجربتى انا بقى
رحت [ندعوك للتسجيل في المنتدى أو التعريف بنفسك لمعاينة هذا الرابط]واتعرفت
على اقسامها واخترت قسم الزيارات زرت فيه اطفال السرطان ولقيت فى حاجات
والله يا بنات اتغيرت فيه بقيت اعقل طبعا وبقيت احس بغيرى اكتر وحسيت ان
ممكن الواحد يتعب ويموت فى اى وقت عشان كده لازم نعمل لاخرتنا
واخترت قسم
المكفوفين بقيت اكتب لهم على الكمبيوتر واسجل لهم شرياط بموادهم الدراسية
وكمان كنت اخد الورق المطبوع واروح اطبعة برايل لان المكان كان جنب بيتى
وسبحان الله بالصدفة كنت باخد خدمة عامة فية
وحسيت انى ليا قيمة فى المجتمع ومش قاعدة كدا وخلاص اضيع فى وقت لا دنا بستمتع وكمان باخد حسنات
وطبعا كان لازم كل شوية الواحد يجدد النية
وبعدين طلبوا
موظفين لان المتطوعين اللى ماسكين كل المجالات طبعا بيجوا وقت الامتحانات
ويقعدوا اوى اى واحد يزعل ويتقمص يقعد وطبعا القسم يقع
فقدمت والحمد لله اتقبلت ومسكت قسم الزيارات الخاريجية
كنت بطلع رحلات للمكفوفين وذوى الاحتياجات الخاصة والصم والبكم طبعا بمساعدة المتطوعين
وكنا بنزور
اطفال السرطان كل اسبوع وناخد معانا كرسات الاوان واقلام تلوين ولعب وكانوا
بينبسطوا كنا نوزعها اول منروح ونلمها واحنا ماشين عشان يكونوا مرتبطين
بينما وكنا بنعمل لهم حفالات
وكنا بنزور ملاجأ الايتام ونلعب معاهم وكنا بنزور جمعيات المعاقين ذهنيا ومدارس الصم والبكم
يعنى كانت متعة ما بعدها متعة تقريبا سنتين او سنة ونص
لغاية مزاميلى اختارونى اكون المديرة بتاعتهم بعد استقالة المديرة بس مشتغلتش الا كام شهر لانى اتجوزت وسافرت برة
وصدقونى ديه احلى ايام حياتى واتمنى ارجعلها تانى
وفيها بتعرفى انوا مهما تكون عندك مشكلة هتلاقى فى ناس مشكالهم اكبر بكتيرررررررررررررر وهتحسى ان مشكلتك كانت تافة جدا بالنسبة لهم
وطبعا محكتش بالتفصيل كل حاجة عشان الملل
اتمنى متكونوش زهقتوا
ولو عجبكوا الموضوع قيموه عشان الزهقانين يستفادوا[ندعوك للتسجيل في المنتدى أو التعريف بنفسك لمعاينة هذا الرابط]

عدد المساهمات : 2394 تاريخ التسجيل : 05/09/2010

ربنا يجازيكى خير ياقمر
ويجعله فى ميزان حسناتك

شكرااا علي الموضوع الحلووو

ربنا يكرمك و يفيد بيكي الجميع
[ندعوك للتسجيل في المنتدى أو التعريف بنفسك لمعاينة هذه الصورة]