الباحثة عن الحرية
أنا مخنوقة ..مش عارفه أتنفس....ماما وبابا مش مدينلى أى حريه
...خنقوني دايما بيتدخلوا فى حياتي....آكل إيه....ألبس إيه.....
وإذا لبست على مزاجي يهرونى تريقه...خلاص خنقوني
مش مسموح لي أتأخر لا زم يعرفوا بروح فين وبصاحب مين
فين الحرية ؟؟؟؟؟؟؟أنا مش لاقيه نفسى فى بيتنا
كلام سمعته كتييييييييييييير من الطلبه...حتى زمايلى فى الكليه
)أصلى معيده فى تربيه)مبيبطلوش شكوى ....محدش عاجبه حاله اللى مش متجوزه عاوزه تهرب من بيت أهلها لبيت العريس
واللى متجوزه مخنوقه من جوزها وتحكماته وأوامره..حاجه غريبه
رّوحت بيتنا.........بيتنا...أكتر مكان على وش الأرض فيه حريه
الحريه منطوره فى كل حته.... كل ما تمشى تتكعبل فيها
كلنا وشربنا حريه لحد ما طفحنا حريه
الوالد ..ماى دادى....أكبر دكتور فى البلد فى مجال تخصصه
زباينه كتييييييييييير .بس الفاتوره ؟ ؟؟؟؟؟؟؟؟؟؟؟؟؟
مامى............سيدة المجتمعات الراقيه..راعية الأيتام والمساكين
رئيس مجلس ادارة جمعية الرحمه للجميع
رانيا ....الكبيرة .متجوزه وعندها(جاسمين) أيوه .اسمها كده
وجوزها يا سلاااااااام عليه ..مهاااااااااااااود على الآخر بس حمقى شويه
دينا ساقطه ثانويه 3 مرات ؟؟؟؟؟دلوعة العيله.....محدش يقدر يزعلها والا تنتحر ...أصلها انتحرت قبل كده 5 مرات !!!
قصدى حاولت
وانا.........فى الوسط
اتربينا فى أوروبا وشوفنا الحريه على أصولها
لدرجة ان مامى ماكانتش بتمانع لما نصاحب أولاد وممكن نعزمهم على الغدا كمان شوفتوا حريه أكتر من كده ؟؟؟؟؟
بس ما كانش مسموح ان العلاقه تتعدى الصداقه وده بحكم اننا أسره شرقيه..أما دادى رافع شعار (العمل أولا) على طول
قرر دادى يرجع مصر .وفعلا بدأ تحويل كل شئ و أول حاجه حولها...كانت أنا
كنت فى ثانوى ...ومش ممكن أدخل الجامعه هناك علشان ميضطرش يستنانى لما أخلص
شحنى فى طياره وبعتنى آخد الثانويه من مصر وادخل الجامعه
يا سلااااااااااااااااااااام على دى أيام
>>>>>>>>>>>>>>>>>>>>>>>>>>>>>
أيامها كرهت الدنيا باللى فيها
كرهت نفسى وكرهت عيلتى ومدرستى........وبلدى (أيامها ما كانتش بلدى)
طبعا ............
بنت فى فترة مراهقه بتعرف عربى بالعافيه أهلها رموها فى بلد غريبه فى كل حاجه ..فى اللغه ..فى الناس .. فى العادات .. فى التقاليد.........فى اللبس فى الأكل .فى كل حاجه
وعايشه مع ست عجوزه غريبه...... مش عارفه أتفاهم معاها (تيته أم دادى)
عايشه فين ؟؟؟؟؟فى حى شعبى.......تصوروا......
دى كانت مشاعرى وقتها
رفضت أروح المدرسه...لأن زمايلى كرهونى علشان شاطره وبعرف لغات وافتكرونى مغروره لأنى انعزلت عنهم طبعا علشان العربى بتاعى مدغدغ وعايز يتحط فى الإنعاش
وأنا اللى كنت فى أوروبا عندى قفة أصحاب
تيته................
أغلى انسانه فى الدنياهى اللى أنقذتنى
حاولت بكل طريقه تقرب منى .ضحكتنى أول ضحكه من ساعة ما رجعت مصر وأنا اللى ما كنتش ببطل ضحك أبدا لدرجة انى كنت باستفز مامى من كتر ضحكى و تهريجى
فضلت تيته تكسر الحواجز واحد ورا التانى بمنتهى الحب
وبدأت تلعب فى دماغى.وتغير أفكارى شويه ..شويه
كانت ست فلاحه تعليمها على قدها....لكن بتفهم أكتر من علماء النفس
زرعت فى قلبى التحدى...وخليتنى أرجع المدرسه تانى
ماكانتش بتخرج من البيت .لكن كانت عارفه عنى كل حاجه
ده لأنى كنت باحكيلها كل حاجه وماباخبيش أى حاجه
عرفتنى على مدام ليلى جارتها(مهندسة كمبيوتر)
مدام ليلى كانت استايل جديد جدا وغريب جدا بالنسبه لى
أول حاجه لاحظتها انها كانت بتلبس زى تيته
وعلشان خاطر تيته نجحت فى الثانويه بمجموع كبير(طبعا مدام ليلى ساعدتنى كتير)
وفى الأجازه كان مستنينى شغل كتير جدا
وباقتراح من مدام ليلى أخدت دورات مكثفه فى العربى علشان أعدل لسانى واتفرجت على كل الأفلام العربى...كان ممكن أشوف فيلمين أو تلاته فى اليوم مش علشان حلاوتهم ...علشان اللغه
وفى مده بسيطه حققت نتيجه مذهله
دخلت الجامعه
وفى أول أسبوع جاتلى زيارة عند تيته...عارفين مين؟؟؟
دادى.....افتكر أخيرا انى موجوده
ولما جريت فرحانه استقبله
رمى بنزين على فرحتى وولع الدنيا حوليا
تعرفوا ليه؟؟؟؟؟؟؟؟؟؟؟؟
>>>>>>>>>>>>>>>>>>>>>>>>>>>>>>>>>>>>
لأنى عملت جريمه بشعه........أيوه بشعه جدا
مدخلتش طب ..ودخلت تربيه!!!!!!!
ولما قلت له ...اشمعنى أنا من بين اخواتى؟؟؟؟؟؟؟
قال : لأنك انت اللى فالحه و مجموعك جاب طب
(خلانى أندم على مذاكرتى وتعبى ومجهودى)
ومن يومها ودادى حطنى فى معسكر الخونه لأنى ببساطه اخترت حلمى أنا.....مش حلمه هو
أيوه يا دادى ........اديها كمان حريه
>>>>>>>>>>>>>>>>>>>>>>>>>>>>>>>>>>>>
فى الجامعه اختلف كل شئ عن ثانوى
لأنى دخلت وأنا متسلحه جدا بكل الأسلحه
بتكلم عربى أحسن من زمايلى
نصايح وارشادات مدام ليلى فى التعامل مع الناس
والأهم ...دعوات تيته حبيبتى وصلاتها علشانى
تانى شهر ليا فى الكليه..ولأول مره من ساعة ما جيت مصر عرفت طريق الأصحاب...بالتحديد هم اللى عرفوا طريقى
لما فى يوم خبطط ايد حنينه على كتفى
ايد ايمان!!!!!!!
ايمان صاحبة عمرى الأنتيم........كانت سابقانى بسنتين
وعرفت ان مدام ليلى وصيتها انها تتعرف عليا
مدام ليلى تعرف ايمان منين؟؟؟؟؟ أقول لكم
ايمان بتتعلم كمبيوتر فى نفس المركز اللى بتدى فيه مدام ليلى دورات وبكده بقوا أصحاب
أصل مدام ليلى عامله زى المغناطيس ..ماطرح ماتروح بتشد الناس
أما ايمان دى حكايتها حكايه
احنا لاتنين مختلفين فى كل شئ
فى الثقافه ..فى التفكير..فى التربيه..فى اللبس
ومع ذلك قدرت تدخل جوايا وتغير فيا حاجات كتير
كانت عكسى تماما....من بيت شرقى متدين جدا ..
والدها عالم أزهرى
لكن ده مامنعهاش انها تحبنى وتصاحبنى وتضمنى لشلتها من أول يوم وكمان ما منعهاش انها تدخلنى بيتها وتعرفنى بمامتها واخواتها البنات
وأنا فى وسطهم ما حستش بأى غربه أو ان لبسى ومكياجى عاملهم اى مشكله بالعكس......كانوا بيتصرفوا بتلقائيه وحب مشوفتهوش فى أماكن تانيه كتير
ولما شفت المكتبه المهوله اللى فى بيتهم عرفت بحر المعلومات اللى عند ايمان ده منين
ومن ساعتها وهى بترمينى بكتاب ورا كتاب وانا باكلهم أكل
كانت ايمان بتدى دروس فى مسجد الكليه وكنت طبعا باحضر بلبسى اللى بالنسبه لهم مختلف جدا والأغرب ان محدش منهم علق ولا اتكلم الكل واخد الموضوع ببساطه
لكن أنا من جوايا بدأت أتكسف من لبسى و أحس انى مختلفه خصوصا بعد ما قريت فى الفقه
بس لما كانوا بيطلبوا انى أصلى معاهم كنت باعتذر باعتذرات مختلفه
تعرفوا ليه؟؟؟؟؟؟؟؟؟
>>>>>>>>>>>>>>>>>>>>>>>>>>>>>>>>>>>
موضوع: الباحثة عن الحرية 
الجمعة مارس 18, 2011 7:13 am
