مؤمنه_منتدى نسائى فقط

مؤمنه_منتدى نسائى فقط

منتدى نسائى فقط

 
الرئيسيةالبوابةالتسجيلدخول

شاطر | 
 

 قمر الدين بأسهل واوفر طريقة من مطبخ الشيف مونى بالصور

اذهب الى الأسفل 
كاتب الموضوعرسالة
الشيف مونى

avatar

عدد المساهمات : 2128
تاريخ التسجيل : 29/08/2010

مُساهمةموضوع: قمر الدين بأسهل واوفر طريقة من مطبخ الشيف مونى بالصور   الخميس يونيو 07, 2012 4:41 am

السلام عليكم ورحمة الله
النهرده جيبالكم طريقة حلوة اوى وسهلة لعصير قمر الدين فى البيت بمناسبة رمضان
اللهم بلغنا رمضان على خير
وموفرة كمان
والاهم من ده كله ان طعمه احلى بكتيييييييييييييييييييييير من قمر الدين الجاهز وكمان مضمون ومفيهوش حاجة صناعية
المقادير
3 كيلو مشمش
2 كيلو سكر
كوب سكر
بس هى دى مقاديرنا
ندخل بقى على الطريقة
هنغسل المشمش ونشيل منه البذر وطبعا هنرمى البايز
وهنحطه فى حلة




ونحط عليه ال2 كيلو سكر ونحطه فى التلاجه حوالى 3 ساعات عشان يجيب ميته




وبعد كده هنحطه على النار لغاية ماتحسى انه اتهرا
وطبعا مش هنحط اى ميه هو هيستوى فى ميته وهيجيب ميه تانى وهو على النار




ونطفى النار لما نحس انه اتهرا ونسيبه يبرد ونضربه بالخلاط اليدوى او بالخلاط العادى





ونصفيه




ونحط عليه كوباية السكر




ونحطه على النار تانى لغاية مايتقل ويعقد ويبقى لونه غامق زى كده(ممكن ياخد ساعة على النار او اقل شوية)




خلاص كده بقى تمام
هنعمل ايه بقى
هنحطه فى علبه ونعينه فى الفريزر لغاية رمضان
متخافوش مش هيجراله اى حاجة
لما نيجى نشربه هنطلعه من الفريزر وناخد منه 6 معالق كبار
ونضربهم مع ميه يعنى بعد مايتضرب هيبقى حجم دورق الخلاط وممكن وانتى
بتضربيه تحطى سكر وممكن لاء ده حسب الرغبة
انا طبعا مستنتش عشان اصوره وضربته عشان اوريكم شكله
ده شكله وهو فى الدورق




وده شكله لما بقى فى الكوبايات



.


لاتنسونى بالدعاء ان يرزقنى الله الزوج الصالح عاجلا وليس اجلا

_________________
الرجوع الى أعلى الصفحة اذهب الى الأسفل
 
قمر الدين بأسهل واوفر طريقة من مطبخ الشيف مونى بالصور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مؤمنه_منتدى نسائى فقط :: أقسام الطبخ :: أكلات الشيف مونى :: حلويات-
انتقل الى: