مؤمنه_منتدى نسائى فقط

مؤمنه_منتدى نسائى فقط

منتدى نسائى فقط

 
الرئيسيةالبوابةالتسجيلدخول

شاطر | 
 

 لكل من تاخر زواجها وحطه ايدها على خدها تعالى وانا اقولك تعملى ايه

اذهب الى الأسفل 
كاتب الموضوعرسالة
ام البطل الصغير

avatar

عدد المساهمات : 390
تاريخ التسجيل : 24/03/2011
العمر : 38

مُساهمةموضوع: لكل من تاخر زواجها وحطه ايدها على خدها تعالى وانا اقولك تعملى ايه   الخميس مارس 22, 2012 8:12 am

بسم الله والصلاة والسلام على رسول الله
اللهم صلى وسلم وبارك على سيدنا محمد وعلى اله وصحبة اجمعين
انا موضوعى هنا للى اتاخرت فى الجواز او الحمل ليه حطه ايدك على خدك
شيلى ايدك وقومى يلا اشغلى وقتك وهقولك تجارب كتير ليا انا واصحابى ممكن تفيد حد ممكن
تجربتى انا مثلا انا بعد متخرجت كنت عندى 24 سنة ومحصلش نصيب لسه قولت اشغل نفسى ومينفعش اقعد اندب حظى افرض الجواز مش مكتوب ليه مينفعش اوقف حياتى على شئ فى علم الله
شوفتى هويتى ونميتها انا هويتى يا جماعة العمل الخيرى
بقيت اروح جمعية رسالة كمتطوعة واشترك معاهم فى الزيارات سواء لاطفال السرطان او اطفال الفشل الكلوى او الايتام وياه كنت بحس بنعمة ربنا عليه وقد ايه احنا مرفهين ومشاكلنا هايفة
وكنت باخد معايا فى البيت كتب للمكفوفين اكتبها على الكمبيوتر واروح اخدها اطبعها بريل احساس جميل اوى لما تساعدى حد
وخلى بالك قبل متساعدى حد انتى بتساعدى نفسك
وبعدين ربنا اكرمنى واشتغلت فيها ويااااااااااااه على السعادة اللى كنت فيها
مكنتش اصلا بلاقى وقت فاضى لا والوقت الفاضى اطوعت فى جمعية تانية
او والله
واوعوا تفتكروا انى مكنتش بسمع تعليقات رخمة عن تاخر الزواج ياااااااااه ياما سمعت خالتى هى طيبة بس متعرفش ان هزارها ممكن يجرح اللى قدامها كانت كل متشوف وشى تعقد تتريق وكنت اعمل انى بهزر معاها وقولها العريس عليكى والفرح عليه والله كل بنات العيلة اتجوزوا وبنتها لسه محصلهاش نصيب ربنا يرزقها الزوج الصالح
والحمد لله اتجوزت على 26 سنة ومعايا طفلين وحامل ادعولى ربنا يقومنى بالسلامة
**طيب اللى مش هويته العمل الخيرى صحبتى ماشاء الله حفظت القران كله ودخلت سنتين اعداد دعاة وبقيت تحفظ الكبير والصغير قران بدون اجر وبقيت داعية وليها دروس فى الجامع
ممكن اللى ربنا مسهل لها حفظ القران تحفظ بدون اجر ولو ماديا ظروفها وحشه تحفظ باجر وتحتسبه على الساعات
المهم صحبتى اتجوزت وهى 30 سنة ادعولها بالذرية الصالحة السليمة المعافى
** طيب اللى هاويته التعليم صاحبتى واحده تانية حضرت ماجستير وبتحضر دكتوراه وجالها عرسان كتير بس دائما مامتها كانت تقول قعدت الخزانة ولا جوازة الندامة
وبقت مديرة حضانة خاصة من اللى هى بياخدوا الوفات رغم انها ماديا مش محتاجة بس بتشغل وقتها وهى عندها دلوقتى31 سنة
وربنا يرزقها الزوج الصالح عاجلا غير اجلا
** واحده صاحبتنا هويتها الكمبيوتر اخدت دورات ICDLوبقيت ديه هى كمان الدوارات بنفسها واشتغلت دلوقتى فى الحكومة وهى عندها دلوقتى 29 سنة ربنا يرزقها الزوج الصالح عاجلا غير اجلا
قصدى من الرغى ده كله قومى اشغلى وقتك وسيبى النصيب لما يجى ومتنسيش الدعاء وكل واحدة تدور جواها بتحب ايه وتبدع فيه
وفى النهاية ربنا يرزق جميع بنات المسلمين الازواج الصالحة
ويرزق كل مشتاقة للخلفة الذرية الصالحة

_________________

الرجوع الى أعلى الصفحة اذهب الى الأسفل
 
لكل من تاخر زواجها وحطه ايدها على خدها تعالى وانا اقولك تعملى ايه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مؤمنه_منتدى نسائى فقط :: اقسام عامه :: قسم فضفضه وتجارب-
انتقل الى: