طاجن رز معمر باللحمة وملوخية مصرية من مطبخى بالصور

السلام عليكم ورحمة الله وبركاته
اول حاجة مكونات الرز المعمر
كوبايتين رز مغسولين ومنقوعين لمدة نصف ساعة
نص كيلو لحمة مسلوقة
مج ونص شوربة
2 مج لبن حليب
2 ملعقة كبيرة سمنة او زبدة
اول حاجة بالنسبة لسلق الحمة هنحطها فى حلة مع بصلتين وعليهم ملح وفلفل وورق لورى وقرنفل وحبهان ونغطيها ونسيبها تجيب ميتها
بعد ماتجيب ميتها هنقطع عدد 4 طماطم ونحطها عليها ونحط ميه ونسيبها تتسلق
واللحمة بتتسلق هنجيب الرز نغسله وننقعه
ونقع الرز ده خطوة مهمة جدا لأنه بيسهل سواه بعد كده
بعد مانقعناه نصفيه ونحط عليه السمنة

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ونحط عليهم اللبن

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ونحط عليهم الشوربة

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ونحط فيه اللحمة اللى سلقناها بعد ماتكون استوت ونقلبهم
وندخله الفرن
انا دخلته الفرن على حرارة 200 اخد حوالى ساعة الا ربع
وتطفى لما يستوى وتلاقى الوش احمر
بس ممكن بعد مادخلتيه بنص ساعة تطلعيه وتلاقيه محتاج شوربة تزوديله
وده بعد ماطلع

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


نيجى بقى للملوخية
مكوناتها
نص كيلو ملوخية خضرا(احنا بنحب نعمل كمية قليلة عشان الملوخية لما بتبات مبتبقاش حلوة)
2 مج شوربة
للتقلية
4 فصوص توم مهروسين
م ص كسبرة ناشفة
نص م ص ملح
2 ملعقة متوسطة سمنة بلدى
معلش هشرح بالتفصيل عشان المبتدئات
هنجيب الملوخية وهنغسل الورق بعد مانقطفه

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وهنخرطها بالمخرطة

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


هنجيب كمية الشوربة ونسيبهم يغلو فى الحلة

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ولما يغلو هنحط عليهم الملوخية

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ونقلبهم لغاية مايتجانسو

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ونسيبهم يغلو مع بعض
هنجيب التوم المهروس والسمنة والكسبرة والملح ونحطهم فى طاسة

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

ونشغل عليها النار

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


واول ماتبقى لونها دهبى نطفى وننزلها على الملوخية بعد ماتغلى ونقلبهم
ونغرفهم


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.



تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.