العيش الفينو للمبتدئات من مطبخى بالصور

المقادير
نص كيلو دقيق
2 ملعقة كبيرة سكر
نص م ص محسن خبز
2 م ص خميرة فورية
2 م ك زيت وممكن زبدة ع فكرة
ماء دافىء للعجن
بيضة وكيس فانيليا لدهان الوجه
الطريقة
هتحطى الدقيق والخميرة الجافة والمحسن مع بعض وتحطى عليهم الميه الدافية
واحدة واحد وتفضلى تعجنى كتير وتحطى ميه وتعجنى لغاية ماتبقى العجينة كورة
وبعد كده هتحطو معلقتين الزيت وتعجنو تانى
بس بصو عجينة العيش مش طرية اوى ولا ناشفة اوى
يعنى عاملة كده زى الحاجة الملصقة
يعنى العجينة مش ناشفة ولا طرية لدرجة ان العجين يطلع فى ايدك
اهم حاجة حتى بعد مالعجينة تبقى كورة تفضلى تعجنى فيها بايدك ده بيدى نتيجة حلوة اوى بعد كده
وكل ماتعجنى وتقرصى فيها هتبقى احلى وهتلاقى العجينة بقى لونها ابيض
تغطيها وتدخليها فرن البوتاجاز تخمر لمدة ساعتين او اكتر وكل ماسبتيها تخمر كل مابقى احسن
هوريكم الخطوات دى بالصور
هنا خلطت المقادير الجافة مع بعض وحطيت عليهم الميه

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


ده كنت خلصت عجن وخلاص هسيبها تخمر

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


هنا بعد ماالعجينة خمرت

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


بعد كده اخد جزء من العجينة افرده بالنشابه

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


والفه رول

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


واحطه فى الصينية وهكذا كل العجينة وارصهم فى الصينية اسيبهم يخمروا
بعد كده اعمل فيهم فتحات بالسكينة وادهن الوش بالبيض والفانيليا واحط عليهم سمسم او حبة البركة


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وتدخليه فرن البوتاجاز على حرارة 200
وتحطى فوق النار صينية فيها ميه عشان الحاجة متتلسعش منك وتوزع الهوا فى الفرن وتطفى لما الوش يحمر
فضل منك عجينة ومش عايزة تعمليها عيش
نعملها سندويتش عجوة او جبنة او مربى او اى حاجة احنا بنحبها
ناخد الجزء ده ونفرده ونحشيه
زى كده

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.



تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وده العيش لما طلع

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.



تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


شوفى طرى وهش ازاى من جوة


تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.


وده سندويتش العجوة لما طلع

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.