السلام عليكم ورحمة الله وبركاته
مش عارفة دى ظاهرة جديدة ولا ايه
وانا بقلب فى الدش لقيت قنوات عليها موسيقى راقصة وبنات
وعمالين يقولوا كلام قبيح واتصل بنا فورا
وكلام تانى مقدرش اقوله
انا كنت اول مرة اشوف القنوات دى
ومش واحدة ولا اتنين
دول اكتر من تلاته مثلا
طبعا انا مسحتها
بس لما يكون بيت فيه مراهق او مراهقة ويشوفو الكلام ده تبقى مصيبة سودا
السؤال بقى المهم
ازاى سايبين قنوات زى دى على قمر النايل سات
والمفروض ان قمر النايل سات ده مصرى وعربى
فين الرقابة
ده يعتبر اعلان عن زنا
ازاى مفيش رقابة
معنى كده ان ممكن تتعمل قنوات اوحش من دى ويسيبوها طالما مولد وصاحبه غايب
انا شايفة اننا بالطريقة دى داخلين على كارثة
ولا انتو رأيكم ايه؟